Azərbaycanda dini tolerantlıq heç bir şübhə doğurmur - ABŞ səfiri

Azərbaycanda dini tolerantlıq heç bir şübhə doğurmur.
Bunu ABŞ-nin Azərbaycandakı səfiri Mark Libbi bugünkü mətbuat konfransında deyib.

"Düşünürəm ki, ABŞ və Azərbaycan arasında münasibətləri yaxşılaşdırmaq üçün bizim edə biləcəyimiz çox şey var. Ortaq maraq doğuran məsələlər, o cümlədən regional təhlükəsizlik, enerji, ticarət üzrə görüləcək çox iş var. Mən bütün bunları müsbət və ümidverici hesab edirəm. Heç kim Azərbaycanda dini icmalar arasında yüksək səviyyəli münasibətlərin mövcudluğunu sual altına qoymur. Sizin ölkədə müsəlmanlar, xristianlar və yəhudilər arasında tolerantlıq tarixçəsi var. Bu, müzakirə mövzusu deyil. Bu, mənim tənqid etməyə hazır olduğum bir şey deyil. ABŞ Beynəlxalq Dini Etiqad Azadlıqları Komissiyası ABŞ-ın dövlət qurumu deyil" - səfir bilidirib.

Xatırladaq ki, yanvarın 4-də ABŞ-ın dövlət katibi Antoni Blinken dini etiqad azadlığı ilə bağlı bir sıra ölkələrin, o cümlədən Azərbaycanın da “izləmə siyahısı”na daxil edildiyini açıqlamışdı.