Azad olunmuş əraziləri əhatə edən 9 seçki dairəsində 26 seçki məntəqəsi yaradılacaq

Artıq Azərbaycanın bütün əraziləri Zəfər sayəsində Azərbaycanındır.
Bunu Mərkəzi Seçki Komissiyasının bu gün keçirilən iclasında MSK sədrinin müavini Rövzət Qasımov deyib.
O bildirib ki, azad edilmiş ərazilərdə quruculuq işləri ilə məşğul olan böyüjk mütəxəsis ordusu var:
“Onlar bu gün azad olunmuş ərazilərdə yaşayırlar. Onlar Qarabağın, bütün işğal olunmuş ərazələrinin yenidən bərpa olunmasını təmin edirlər, belə şərəfli işlə məşğuldurlar. Bizim də onların qarşısında vəzifəmiz onların səsverməsini təmin etməkdir. Artıq azad edilmiş ərazilərdə müəyyən şərait aydınlaşdı. Uzun müddətdir bununla bağlı iş aparırdıq. İlkin rəqəmlərə görə azad olunmuş əraziləri əhatə edən 9 seçki dairəsində 26 seçki məntəqəsinin yaradılması təmin ediləcək. Yaxın günlıərdə DSK-lar bununla bağlı qərar verəcək”.
Rövzət Qasımov diqqətə çatdırıb ki, digər 7 seçki dairəsi üzrə də 20 seçki məntəəqsinin yaradılmasına ehtiyac var: “Bu məntəqə üzrə seçki dairələrinin sayının uyğunlaşdırılması ilə bağlıdır. Dairələr bununla bağlı artıq son addımı atmağa hazırlaşır”