Göygöl rayon Aşıq Şəmşir adına Uşaq Musiqi məktəbinin direktoru Nuranə Quliyeva : “Milli musiqi – Azərbaycançılığın simvolu”

Azərbaycan xalqı zəngin musiqi mədəniyyəti ilə həmişə fəxr edib. Xalqımızın qədim tarixindən süzülərək gələn muğamlarımız, aşıq sənəti, xalq mahnıları və rəqsləri, klassik musiqi irsimiz əsrlər boyunca milli kimliyimizin, azərbaycançılıq məfkurəsinin ayrılmaz tərkib hissəsinə çevrilib. Məhz bu mədəni irsin qorunub saxlanması və gənc nəsillərə ötürülməsi Azərbaycan dövlətinin də əsas prioritetlərindən biridir. Bu müqəddəs işdə musiqi məktəblərinin rolu əvəzsizdir. Göygöl rayon Aşıq Şəmşir adına Uşaq Musiqi məktəbi isə bu baxımdan həm tarixi, həm də mənəvi əhəmiyyət kəsb edir.
Məktəbin direktoru Nuranə Quliyeva bu vəzifəyə gəldiyi gündən milli musiqi irsinin qorunması, tədrisi və inkişaf etdirilməsi üçün böyük fədakarlıqla çalışır. Onun rəhbərliyi altında məktəb təkcə musiqi tədrisi ilə kifayətlənməyib, həm də gənc nəslin milli-mənəvi ruhda yetişdirilməsi, azərbaycançılıq ideyalarının aşılanması istiqamətində mühüm addımlar atıb.
Azərbaycan musiqi mədəniyyəti sadəcə sənət nümunəsi deyil, həm də milli kimliyimizin, tarixi yaddaşımızın güzgüsüdür. Muğam sənətimizin UNESCO tərəfindən bəşəriyyətin qeyri-maddi irsi siyahısına daxil edilməsi xalqımızın zəngin mədəniyyətinin dünya miqyasında tanınmasının göstəricisidir.
Nuranə Quliyeva dəfələrlə vurğulayıb ki, “Azərbaycançılıq ideyasının mühüm dayaqlarından biri də milli musiqi mədəniyyətimizdir”. Onun təşəbbüsü ilə məktəbdə keçirilən dərslərdə və tədbirlərdə şagirdlərə yalnız musiqi ifaçılığı deyil, həm də xalqımızın qədim mədəni kökləri, musiqinin milli şüurun formalaşmasındakı rolu izah edilir. Bu yanaşma gənc musiqiçilərin təkcə sənətkar kimi deyil, həm də vətənpərvər bir vətəndaş kimi yetişməsinə zəmin yaradır.
Aşıq Şəmşir Azərbaycan musiqi tarixində Aşıq kimi dərin iz qoymuş sənətkarlardandır.
Nuranə Quliyeva müəllimlərin peşəkarlığına və şagirdlərin potensialına inanaraq hər zaman deyir: “Bu məktəbin hər bir şagirdi Aşıq Şəmşir irsinin davamçısı olmalıdır.”
Musiqi məktəbi təkcə nota və texniki biliklərin öyrədildiyi məkan deyil, həm də yaradıcı mühitdir . Nuranə Quliyevanın rəhbərliyi ilə məktəbdə müxtəlif musiqi festivalları, yaradıcılıq gecələri, muğam müsabiqələri keçirilir. Bu tədbirlər həm şagirdlərin ifaçılıq bacarıqlarını artırır, həm də onların səhnə təcrübəsini zənginləşdirir.
Məktəbin istedadlı şagirdləri artıq respublika və beynəlxalq müsabiqələrdə uğurlar qazanmış, Azərbaycan musiqisinin təbliğatçılarına çevrilmişlər. Bu uğurların arxasında isə müəllimlərin fədakar əməyi, direktor Nuranə Quliyevanın düzgün idarəçilik bacarığı dayanır.
Prezident İlham Əliyevin və Birinci vitse-prezident Mehriban Əliyevanın diqqət və qayğısı nəticəsində ölkəmizdə milli mədəniyyətimizin qorunması istiqamətində mühüm işlər görülür.
Nuranə Quliyeva bu tarixi fürsəti dəyərləndirərək məktəbin fəaliyyətini Azərbaycançılıq ideyalarının təbliği ilə daha da gücləndirib. O, şagirdlərə yalnız musiqi öyrətmir, həm də milli kimliyə sədaqət, Vətən sevgisi, dövlətə bağlılıq aşılayır. “Azərbaycançılıq və milli musiqi mədəniyyətimizin tarixi qədimdəndir” fikri onun rəhbərlik fəaliyyətinin əsas leytmotividir.
Hər bir təhsil müəssisəsinin uğuru ilk növbədə onun rəhbərinin nüfuzundan və təşkilatçılıq bacarığından asılıdır. Nuranə Quliyeva həm müəllimlər, həm də valideynlər arasında böyük hörmət qazanmışdır. Onun pedaqoji kollektivi daim ruhlandırması, gənc müəllimləri dəstəkləməsi, şagirdlərin hər birinin inkişafı ilə şəxsən maraqlanması məktəbin uğurlarının əsas səbəblərindəndir.
O, öz fəaliyyətində daim dövlətin mədəniyyət siyasətinə sadiqliyini nümayiş etdirir, musiqi məktəbinin yalnız bir tədris ocağı deyil, həm də milli ruhun yaşadıldığı mərkəzə çevrilməsinə çalışır.
Göygöl rayon Aşıq Şəmşir adına Uşaq Musiqi məktəbinin direktoru Nuranə Quliyeva Azərbaycan musiqi mədəniyyətinin təbliği, qorunması və gənc nəslə ötürülməsi sahəsində fədakarlıq göstərən ziyalılardandır. Onun fəaliyyəti nəticəsində məktəb təkcə bir təhsil müəssisəsi deyil, həm də azərbaycançılıq ideyalarının, milli musiqi mədəniyyətimizin təntənə etdiyi bir ocaqdır.
Nuranə Quliyeva haqlı olaraq inanır ki, “Azərbaycançılıq və milli musiqi mədəniyyətimizin tarixi qədimdəndir” və bu qədim tarix yalnız qorunduğu, öyrədildiyi və yaşadıldığı zaman gələcəyə doğru inamla addımlaya bilər