Hakimlərlə mübahisəyə görə 10 dəqiqəlik cəzalar tətbiq oluna bilər

Beynəlxalq Futbol Assosiasiyaları Şurası (IFAB) meydanda təhqirə məruz qalan hakimləri qorumaq üçün futbol qaydalarına dəyişiklik etmək istəyir.

Xarici mediayanın xəbərinə görə, IFAB-ın baş icraçı direktoru Lukas Brud bildirib ki, assosiasiya hakimin qərarı ilə razılaşmadığına və ya oyunlar zamanı hakimi təhqir etdiyinə görə oyunçuya 10 dəqiqəlik diskvalifikasiya tətbiq etmək istəyir.

“Biz oyunçuların səhv davranışını futbolda əsas problem kimi müəyyən etdik və bu, gələcək illərdə IFAB üçün əsas mövzu olacaq. Biz oyun qaydaları və ya əlavə tədbirlərə dair tövsiyələr və təlimatlar vasitəsilə nə edə biləcəyimizə baxırıq.
Oyunçular hakimə nalayiq söz dediyi üçün sarı vərəqə almaqdan o qədər də narahat olmaya bilər. Amma eyni zamanda oyunun 10 dəqiqəsini meydandan kənarda keçirəcəklərini bilsələr, onlar üçün böyük fərq olacaq. Müxtəlif maraqlı tərəflər də bu ideyaya böyük maraq göstərirlər. Xüsusilə, hakimlə yalnız kapitanın əlaqə saxlaya biləcəyi variant nəzərdən keçirilir. Hakimə aqressiv yaxınlaşan oyunçulara artıq dözmək olmaz.

Hətta bir neçə hal görmüşük ki, futbolçular bilərəkdən hakimin arxasına keçiblər, digərləri isə onun qabağına keçib, o, qaça bilməsin. Yalnız kapitan hakimə yaxınlaşa bilsə, sonradan komanda yoldaşlarına baş verənləri izah edə bilər. Bu, reqbi və basketbol kimi digər idman növlərində yaxşı nəticə verdi", - Brud deyib.

İki həftədən sonra Londonda İFAB-ın işçi iclası keçiriləcək və orada peşəkar futbolda 10 dəqiqəlik cəzaların tətbiqi imkanları nəzərdən keçiriləcək. 2019-cu ildə bu təcrübə ingilis həvəskar və gənclər futbolunda test rejimində tətbiq edilib - bu təcrübə uğurlu kimi qiymətləndirilib.

Qeyd etmək lazımdır ki, IFAB oxşar təklifi hələ 2016-cı ildə etmişdi, lakin o zaman assosiasiyanın təklif etdiyi ideyalardan yalnız video köməkçi hakim (VAR) sisteminin tətbiqi qəbul edilmişdi. IFAB-ın bu qaydanı tətbiq etməyə yeni cəhdi futbolçuların hakimlərlə getdikcə daha çox mübahisə etməsi ilə bağlı olub. İngiltərə Premyer Liqasında (APL) bu mövsümdə hakimin hərəkətləri ilə razılaşmadığı üçün 88 sarı vərəqə göstərilib ki, bu da bütün xəbərdarlıqların təxminən 16 faizini təşkil edir.

“Gənclik” stansiyasında iş rejimi dəyişdiriləcək

9.08.23 19:10

Gündəm

Ukraynanın əhalisi sürətlə azalır

2.10.23 16:14

Hadisə