İkinci yanğın ölümə səbəb oldu

Türkiyədə hazırda yayımlanan “Şakir Paşa ailesi: Mucizeler ve skandallar”ın çəkildiyi məkanda yenidən yanğın baş verib.

“Qafqazinfo” xəbər verir ki, bu barədə “Birgun.net” məlumat yayıb.

Yanğında istehsalat üzrə menecer, “Taki” ləqəbli Serkan Sükyan vəfat edib.

Bildirilib ki, tüstüdən təsirlənən Sükyan infarktdan ölüb.

Xatırladaq ki, ötən il də serialın çəkildiyi məkanda yanğın baş vermişdi. Yanğın nəticəsində Böyükadadakı tarixi malikanənin dekor olaraq qurulan hissəsi tamamilə külə dönmüşdü.

Qeyd edək ki, Şakir Paşa ailəsi Osmanlı İmperatorluğunun son dövrlərində və Cümhuriyyətin ilk illərində yaşamış məşhur bir ailə kimi tanınır. Ailənin malikanəsi Böyükadanın Şehbal küçəsində yerləşirdi. İllər əvvəl baş verən yanğın nəticəsində orijinal malikanə tamamilə yanıb.