Xüsusilə külli miqdarda vergi borcu olan şirkət də Mərkəzi Bankın fəaliyyətinə mane olub - PROTOKOL

"Synergy Co" QSC-yə yazılan inzibati protokola baxılacaq tarix açıqlanıb.

Pravda.az-ın xəbərinə görə, sənədə Xətai Rayon Məhkəməsinin hakimi Aygün Həsənovanın sədrliyi ilə yanvarın 28-də baxılacaq.

Xatırlatma: Protokol müvafiq qurum tərəfindən İnzibati Xətalar Məcəlləsinin 548.2-ci (Azərbaycan Respublikası Mərkəzi Bankının fəaliyyətinin həyata keçirilməsi üçün zəruri olan məlumatların həmin orqanın tələbi ilə maliyyə bazarlarında nəzarət edilən subyekt və emitent tərəfindən təqdim edilməməsinə və ya təhrif olunmuş məlumatın verilməsinə (sahibkarlıq fəaliyyətinin həyata keçirildiyi yerlərə gəlməklə aparılan yoxlamalara münasibətdə bu Məcəllənin 602.4-cü maddəsində nəzərdə tutulmuş hallar istisna olunmaqla) görə vəzifəli şəxslər beş yüz manatdan altı yüz manatadək məbləğdə, hüquqi şəxslər min beş yüz manatdan iki min manatadək məbləğdə cərimə edilir) maddəsinə əsasən tərtib olunub.

Qeyd: 2009-cu ildə yaradılan və nizamnamə kapitalı 2 600 AZN olan MMC-nin qanuni təmsilçisi Rəşad Firdovsi oğlu Qurbanovdur. Şirkətin dövlətə 884 926 manat borcu var.