Ermənistanda Paşinyan hökumətinin istefası tələb olundu

Ermənistanda "Birlikdə" hərəkatı baş nazir Nikol Paşinyanın və bütün nazirlər kabinetinin istefasını tələb edib.

Trend xəbər verir ki, bu barədə hərəkatın nümayəndəsi, Ermənistan Demokratik Partiyasının lideri Aram Sarkisyan mətbuat konfransında deyib.

Onun sözlərinə görə, hərəkat fevralın 20-də Azadlıq meydanında mitinq keçirməyi planlaşdırır. Mitinqdə istefa tələbinin 100 səbəbi açıqlanacaq.

"Biz Nikol Paşinyana bu məsuliyyəti öz üzərindən götürməkdə kömək etmək istəyirik, çünki o, bu qədər yükə dözə bilmir", - o deyib.

Sarkisyan bildirib ki, hərəkat bütün müxalif deputatları mitinqə dəvət edib. Belə ki, onların fikrincə, Paşinyana qarşı etimadsızlığı parlamentdə başlatmaq lazımdır.

Nikolun deyil, Əliyevin sözlərinə baxın - İgidyan

14.05.23 12:44

Siyasət

Türkiyə parlamentinə müvəqqəti olaraq Devlet Bahçeli sədrlik edəcək

16.05.23 08:37

Dünya