Ermənistanda ehtiyatda olan hərbçilər yenidən təlimə çağırıldı

Ermənistanda ehtiyatda olan hərbçilər üçün yeni təlim toplanışı elan edilib.
"Armenian News" xəbər verir ki, bu barədə hökumətin iyunun 22-də keçirilən iclasında qərara qəbul olunub.
2023-cü il avqustun 1-dən oktyabrın 13-dək ehtiyatda olan sıravi və zabitlər, habelə birinci ehtiyat qrupunun birinci və ikinci kateqoriyaları üzrə qeydiyyatda olan gizirlər üçün daxil olmaqla, təlim-məşq toplanışları elan edilib.
Ümumən toplanışa 2352 nəfər və 205 texnika cəlb olunacaq.
Elan edilən təlim-məşq toplanışına hər bir vətəndaş 25 təqvim günündən çox olmayan müddətə cəlb olunacaq.