Türkiyədə günün ikinci hadisəsi - Yaralananlar var

Türkiyədə daha bir xizəkçilik kurortunda partlayış olub.

“Qafqazinfo” NTV-yə istinadən xəbər verir ki, hadisə Sivasda yerləşən kurortdakı hoteldə qeydə alınıb.

Qadın xizəkçilərin olduğu otaqda baş vermiş partlayış nəticəsində 4 nəfər xəsarət alıb.

Yaralılar təcili tibbi yardım helikopteri və təcili yardım maşınları ilə şəhər mərkəzindəki xəstəxanalara çatdırılıb. Onların həyati təhlükəsinin olmadığı bildirilib.

Partlayışın səbəbi hələlik məlum deyil.

Qeyd edək ki, bu gün Türkiyədə “Kartalkaya” xizəkçilik kurortunda yerləşən hoteldə yanğın baş verib. Nəticədə 10 nəfər həlak olub, 32 nəfər yaralanıb.