İranda azyaşlı qızlarla bağlı qərar

İranda 15 yaşlı qızların dünyaya uşaq gətirmələrinə icazə verilib.

“Qafqazinfo” xəbər verir ki, bu barədə “Azad İran” teleqram kanalı məlumat yayıb.

Bildirilib ki, bu qərarı səhiyyə nazirinin müavini Əlirza Rəisi verib. O, bundan öncə tibbi kitablarda azyaşlı qızlar üçün istifadə edilən “yüksək riskli hamilə analar” ifadəsinin çıxarılaraq “xüsusi qayğıya ehtiyacı olan” analar ifadəsi ilə dəyişdiriləcəyini vurğulayıb.

Ə. Rəisinin sözlərinə görə, artıq ölkədə hamiləliklə bağlı yaş həddi 15-49-dur.

İran rəsmisi gənclərin evlənməsi üçün xüsusi ödənişlərin də nəzərdə tutulduğunu qeyd edib.