Ümumdünya Antidopinq Agentliyi 241 rusiyalı idmançını cəzalandırdı

Ümumdünya Antidopinq Agentliyi (WADA) Moskvadakı LIMS laboratoriyasının məlumatları əsasında 241 rusiyalı idmançını cəzalandırıb.
Bu barədə Rusiya KİV-i Ümumdünya Antidopinq Agentliyinin mətbuat xidmətinə istinadən məlumat yayıb.

Məlumata görə, 18 antidopinq təşkilatı tərəfindən 241 sanksiya irəli sürülüb, daha 41 iş üzrə ittiham irəli sürülüb, 119 iş araşdırılır. Bəzi işlər isə sübutlar olmadığından bağlanılıb.

Qeyd edək ki, ötən ilin oktyabr ayında Ümumdünya Antidopinq Agentliyinin rəhbəri Vitold Banka LIMS laboratoriyasının məlumatları əsasında 222 rusiyalı idmançının cəzalandırıldığını bildirib.