274 saylı tam orta məktəbin direktoru Nəriman Mürsəliyev - Şərəfli peşənin nümunəvi rəhbəri.

Bəli, bu gün təhsilə göstərilən qayğı məktəblərdə dərslərin keyfiyyətini daha da artırmışdır. Yüksək keyfiyyətli tədris onun sübutudur ki, ölkəmizin gələcəyi savadlı kadrların əlində olacaqdır. Bu da bir dövlət üçün, onun hərtərəfli inkişafı üçün çox vacibdir.
Heydər Əliyev Fondunun Prezidenti Mehriban xanım Əliyeva bu məqsədlə bir çox yerlərdə, şəhər və rayonlarda məktəb binaları tikdirmiş və məktəblərdə əsaslı təmir işlərinin aparılmasına xüsusi göstəriş vermişdir.
Bakı şəhərində məktəblərdə təlimin keyfiyyətinin yüksəlməsi və yeni təhsil islahatlarının həyata keçirilməsi yolunda bir sıra mühüm addımlar atılmışdır. İnkişafın ən yüksək mərhələlərində olan 274 saylı tam orta məktəbin direktoru, 83 saylı ərazi partiya təşkilatının sədri Nəriman Mürsəliyevin xidmətlərini qeyd etməmək məncə böyük haqsızlıq olardı.
Bəli, bu gün gələcəyimizin inkişafı üçün əsil pedoqoq adına layiq olan vicdanlı məktəb rəhbərləri də əllərindən gələni edir, rəhbərlik etdikləri tədris ocaqlarında xüsusi qayda-qanun yaradır, şagirdlərin yüksək elmə yiyələnməklərinə doğru yol göstərirlər.
Burada görülən işlər, yaradılan yeni şərait məktəbin müəllim kollektivi, o cümlədən şagirdlər, valideynlər tərəfindən müsbət qarşılanıb.
274 saylı tam orta məktəbin direktoru Nəriman müəllim gələcəyimiz olan uşaqların düzgün təlim-tərbiyə almasında, elmə, biliyə yiyələnməsində öz köməkliyini əsirgəmir.
Nəriman müəllimin rəhbərlik etdiyi məktəbdə mehriban, qayğıkeş müəllim kollektivi vardır ki, övladlarımızın xoşbəxt gələcəyi naminə əl-ələ verib, şagirdlərin yüksək elmə,sənətə yiyələnmələrinə doğru yol göstərirlər. Dünyada elə bir insan tapılmaz ki, ucaldığı zirvəyə görə ilk növbədə müəllimlərinə borclu olmasın. Hər birimiz məktəb yolları ilə atdığımız kövrək addımları, bizi xoş, gülərüz qarşılayan, valideyn qayğısı göstərən müəllimlərimizi yaxşı xatırlayır, onlara olan minnətdarlıq hissini hər zaman yaşadırıq. Sevindirici haldır ki, respublikamızda öz şərəfli peşəsinin vurğunu, kamil bilicisi olan müəllimlərimizin sayı kifayət qədərdir.
Ümumiyyətlə, müəllim elə bir varlıqdır ki, varlığına ehtiyac duymamaq mümkün deyil. Bu ad olan yerdə mənəviyyat, milli şüur var. Müəllimsiz həyat susuz dəyirmana bənzəyir. Müəllim müqəddəs ucalıqdır, dahidir, əvəzedilməzdir.
Biz də gənc nəslin təlim-tərbiyyəsində, dövlətimizin təhsilinin inişafı istiqamətində səmərəli fəaliyyətini əsirgəməyən 274 saylı tam orta məktəbin direktoru Nəriman Mürsəliyevə övladlarımıza göstərdiyi qayğı və nəvazişə görə öz dərin minnətdarlığımızı bildirir, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında dövlətimizə, xalqımıza şərəfli xidmətlərində yeni-yeni uğurlar arzulayır, hər birinə həyatda və pedaqoji fəaliyyətində gələcək uğurlarınızın davamlı olmasını arzulayırıq.
Hörmətli Nəriman müəllim!
Səmərəli və məqsədyönlü fəaliyyətinizlə, işgüzar əməllərinizlə daim fədakarlıq nümayiş etdirmisiniz. Məhz bu xidmətin nəticəsidir ki, rəhbərlik etdiyiniz məktəbdə hər kəs tərəfindən sevilirsiniz.
Dəyərli peşə sahibi, əziz müəllim!
Sizin sayənizdə övladlarımızın xoş gələcəyinə inanırıq.
Bir daha çətin və şərəfli peşənizdə uğurlar arzulayıram.